La retraite de Félix

La mardi 14 juin 2011, l'Ecole d'hôtellerie & de Tourisme de la Ville de Liège fêtait l'accès à la retraite de son très populaire Chef de Travaux.

La personnalité de Félix Jacques a marqué d'une empreinte indélébile une (voire des) génération d'élèves et aussi beaucoup de ses collègues.
C'est dans une ambiance festive et très conviviale qu'il a écouté les divers intervenants qui ont rappelé quelques épisodes  marquants de sa carrière et ses nombreux traits de caractère qui l'on rendu si polulaire.
A peine son nom et sa photo publiée sur Facebook... qu'il attirait plus de 950 "amis" et si l'on ajoute tous ceux qui ne figurent pas sur ce réseau social ou qui n'aiment pas trop l'ordinateur... je vous laisse deviner de combien de "copains"peut se targuer Félix.
Personnage de la vie liégeoise et wallon dans l'âme Félix aura apprécié l'hommage liégeois qui suit:
Ci-joint « l’entrée »prononcée à l’occasion de « la fête à Félix »... par P-H Thomsin, Ecrivain en wallon.

Mès binamêyès djins,

Félix... Kimint sèreût-i possibe dè djåzer di nosse camaråde Félix, sins l' fé è walon ?... Lu qu' a lès pîds qui platch'tèt divins lès-êwes di Lîdje (seûye-t-i l' Vèsse a Tchêyenêye, cwant-il èsteût p'tit, seûye-t-i l' Oûte, minme si ç' n' èst pus, oûy, qu' on boul'vård), i n' va nin sûr rinoyî li bê lingadje qui lî aspite al boke, insi, d' on côp, come li sawoura d' ine bone fricassêye d' amon nos-ôtes ou bin l' frisse gourdjèye d' on vin foû payis...

Cwand dji rèscontra Félix po l' prumîre fèye, dji m' dimanda si nosse bon vî Sint Lambêrt n' aveût nin riv'nou so l' tére... Qui v' sonle-t-i ?... Ine bale come on 'nnè veût wêre, dès oûy qui n' vis djåzèt qui d' bons-afêres, dès rondeûrs a fé djalozer lès pus bèlès feumes èt lès pus crås dès trapisses... Såf qu' il aveût s' catèdråle on pô pus lon, parèt lu: chal, è Foû Tchèstê...

Félix... Dji n' sé nin co todi s' no... Por mi c' èst... C' èst Félix !... In-ome tot-oute... In-ome qui n' louke nin a 'ne djèye, la qu' c' èst po r'çûre lès djins, ou bin la qu' i fåt mète ine fièsse so pîd... Félix... "Ine saquî", kimint qu' on dit chal a Lîdje !... Ine "gueûye", assûrémint ! Ine gueûye a s' fé avu bon, todi sûr... Ine boke po lès bons-amagnîs... On palås po lès fènès saveûrs... Ine narène po lès doûcès hinêyes... Èt, adon-pwis... On coûr... On franc coûr... Awè, Félix c' èst l' coûr so l' min èt l' min å lådje, pôr... Po sès scolîs... Por vos... Por mi... Po tot l' monde... Félix: i n' a nin deûs parèy !!!... Fèlix, c' è-st-on "Clå doré" (i comprindrè çou qu' dji vou dîre) tchèssî èl plantche di nos brouheûrs èt d' nos tracass'rèyes...

Félix... On fwért magneû ? Awè, télefèye... On grand buveû ? Mutwèt, nin pus' qui nos-ôtes turtos... I n' a rin d' trop bon, rin d' trop tchîr po nosse Félix... Félix, on minton qu' i s' fêt glèter, sins rat'na... Po... Po nos fé glèter nosse minton d' a nosse, å pus sovint... Félix... on sourîre tot wice qu' i passe...  On sourîre po qu' nosse vicårèye si candje a sourîre...

Oûy, nosse Félix nos va cwiter... Parèt-i qu' i va taper s' vantrin so l' håye... Anfin... M' èwar'reût... M' èwar'reût qu' on s' såreût passer d' lu... Adon, on nèl va nin "démouler trop tchôd", hin tot l' minme !... I n' èst nin co "fini", kimint qu' i dit !... Qui f'rîs-gn' sins lu ?... On-z-a co dandjî d' lu, mi sonle-t-i...

Dji wadje qu' on l' riveûrè, ni sèreût-ç' qui londi... Pocwè londi ?... Po nos fé savu qu' i va-st-ataker (...èt ci côp chal ci sèrè po d' bon !), qu' i va-st-ataker li pus deûr, li pus fwért, li pus målåhèye, li pus-assotihant èt l' pus pènibe di tos lès rèjimes... Alè djans, Félix, ni t' fê nin dès mås d' tièsse: on t' inme bin kimint qu' t' ès !!!... Félix... Po tot, mèrci co cint fèyes, hin, fré!!!...

-